Դուդուկի Դաս

Միացեք մեզ ուսումնասւրելու դուդուկ սովորելու առաջին դասերի հետաքրքրաշարժ աշխարհը: Այս բլոգում մենք ձեզ կներկայացնենք գործիքի նախապատրաստական աշխատանքները, նրբություններ նվագելու հետ կապված։ Եկեք միասին ուսումնասիրենք դուդուկի աշխարհը:

Ինչպես Անցկացնել Դուդուկի Առաջին Դասը

Առաջին դասն անցկացնելու համար հարկավոր է սկսել գործիքը նախապատրաստելուց։ Վերցրեք մի քանի կաթիլ ջուր և թրջեք ղամիշը ։ Որոշ ժամանակ անց դատարկեք այն, փակեք պտուտակով և սպասեք 15-20 րոպե։ Նախքան նվագը կարևոր է ուսանողին ցույց տալ դուդուկի ճիշտ դիրքը շուրթերին, ինչպես նաև ձայնաստեղծ ներշնչման և արտաշնչման տեխնիկան: Անհրաժեշտ է  թեթևակի փչել այտերը, որպեսզի շրթունքների ներքին պատերը առանձնանան լնդերից և ատամներից ՝ ստեղծելով օդային տարածք:

Երբ երաժշտության ճիշտ արտահայտման հետ կապված դժվարությունները հաղթահարվեն, կարող եք անցնել նախնական վարժություններին: Հարկ է նշել, որ դուդուկն ունի երկու կիրառություն. Առաջին կիրառումը պարզեցված է և չի օգտագործում ձախ ձեռքի փոքր մատը: Այն կիրառվում է սկզբնական շրջանում ուսուցման համար։

Երկրորդ կիրառությունն ավելի բարդ է և օգտագործվում է երկրորդ դասարանից սկսած ՝ ավելի հագեցած գամանեւ ստանալու համար,  որտեղ ներգրավված են բոլոր մատները:

Ուսանողի գեղագիտական ճաշակը զարգացնելու և դասերի նկատմամբ հետաքրքրությունը խթանելու համար խորհուրդ է տրվում հաճախ ավելացնել նոր երաժշտական նյութեր նրանց երգացանկում: Ուսումնառության առաջին տարվա ընթացքում սովորողը պետք է տիրապետի դուդուկ նվագելու տեխնիկային և ձեռք բերի կատարման հիմնական հմտություններ: